"Ювентус" Моратани ортга қайтараётганини тасдиқлади (видео)

"Ювентус" клуби "Атлетико"дан собиқ ҳужумчиси Альваро Моратани ортга қайтараётганини маълум қилди.

“Кекса синьора” матбуот хизмати 27 ёшли испаниялик футболчининг Туринга етиб келгани ҳақидаги видеони эълон қилди. Бугун Мората “Юве” сафида тиббий кўрикдан ўтади ва шартнома имзолайди.

Бундан аввалроқ, А Серия чемпиони Моратани кейинчалик 45 млн еврога тўлиқ сотиб олиш ҳуқуқи билан 10 млн евро эвазига бир йилга ижарага олиши ҳақида хабарлар тарқалган эди.

Альваро Мората “Ювентус” сафида 2014-2016 йилларда тўп сурган ва 93 та ўйинда майдонга тушган ва ўз ҳисобига 27 та гол ҳамда 18 та голли узатма ёздириб қўйишга эришган.