Туриннинг “Ювентус” клуби ҳимоячиси Мерих Демирал коронавирусдан тўлиқ соғайди. Бу ҳақда матбуот хизмати хабар бермоқда.

Юқоридаги манбада ёзилишича, 23 ёшли туркиялик футболчи бугундан бошлаб жамоа машғулотларига қўшилади. У жорий мавсум “Ювентус” сафида жами 23 та ўйинда иштирок этди ва жамоасининг 1 та голига ассистентлик қилди.

Демиралнинг “кекса синьора” билан амалдаги шартномаси 2024 йилнинг 30 июнига қадар имзоланган. Унинг айни дамдаги трансфер нархи 30 млн еврога баҳоланмоқда.

Бугун “Ювентус” А Сериянинг қолдирилган баҳси доирасида ўз майдонида “Наполи”ни қабул қилади. Ушбу беллашув Тошкент вақти билан соат 21:45 да бошланиши белгиланган.

Матнда хатолик топсангиз, ўша хатони белгилаб, бизга жўнатинг (Ctrl + Enter)