"Ювентус" ПСЖ футболчисига қизиқиб қолди

ПСЖ ярим ҳимоячиси Леандро Паредес яна Италияга қайтиши мумкин.

Sky Sport Italia мухбири Жанлука Ди Марционинг хабар беришича, 26 ёшли аргентиналик футболчига “Ювентус”дан қизиқиш бўлмоқда. Паредес учун А Серия бегона эмас. Боиси, у фаолияти давомида “Рома”, “Эмполи” ва “Кьево” каби жамоаларда тўп сурган.

Паредес ўтган мавсум Франция чемпионатида 17 та ўйинда майдонга тушди ва 1 та голга ассистентлик қилди. Унинг парижликлар билан амалдаги шартномаси 2023 йилга қадар имзоланган.

Фикрлар

Фикр қолдириш учун авторизациядан ўтинг!