“Yuventus” Ronaldu o‘rniga ko‘p gol uradigan ikki hujumchi tanladi

“Yuventus” rahbariyati yozgi transferlar vaqtida Krishtianu Ronaldu va Alvaro Morataning o‘rnini bosa oladigan to‘purar hujumchi oladi.

Ayni paytda Turin superklubi mutaxassislari nishonida ikki futbolchi turibdi. Ular “Manchester Siti” vakili Gabriel Jezusning transferini amalga oshirmoqchi. Braziliyalik futbolchi Angliya chempioni safida o‘zi istaganicha o‘yin amaliyotiga ega bo‘lmayotganidan norozi bo‘lmoqda va tezroq boshqa klubga o‘tishni istayapti.

Agar “Yuventus” bu futbolchini qo‘lga kirita olmasa, e’tiborini Turin klubida tarbiyalangan Moyze Kinga qaratadi. Asli “Everton”ga tegishli bo‘lgan yosh hujumchi PSJda yorqin o‘yin namoyish etib, ko‘p gol urganidan keyin uning xaridorlari ko‘payib ketdi.