"Ювентус" ва "Наполи" январда ўзаро футболчи алмаштириши мумкин

Италиянинг икки гранд клуби - "Наполи" ва "Ювентус" қишки трансферлар даврида ўзаро футболчи алмаштириш бўйича музокаралар олиб бормоқда.

La Gazzetta dello Dport нашри тарқатган хабарга кўра “кекса синьора” ҳимоячиси Маттия Де Шильо Неаполга йўл олса, неаполликлар ҳимоячиси Эльсеид Хюсай Туринга жўнаб кетади.

Таъкидлаш керакки, Хюсай "Ювентус" бош мураббийи Маурицио Сарри билан жуда яхши таниш. У "Наполи" ва "Эмполи"да Сарри қўл остида тўп сурган.

Маълумот учун, Де Шильо жорий мавсум 9 та ўйинда, Хюсай эса 6 та ўйинда майдонга тушди.