"Ювентус" зўр дарвозабон олмоқчи

"Ювентус" ПСЖ дарвозабони Кейлор Навас хизматига қизиқиш билдирмоқда, дея ёзмоқда "Calciomercato" нашри. 

Манбанинг хабарига кўра, "кекса сеньоралар" Войцех Щенснига ўринбосар қидирмоқда. Охирги ўйинлардан сўнг польшалик посбон танқидларга учраётганди. 

Эслатиб ўтамиз, ёзги трансфер вақтида парижликлар Навасга рақобатчи сифатида "Милан"дан Доннаруммани ўз сафига қўшиб олди.

Жорий мавсум 34 ёшли Кейлор 4та ўйинда майдонга тушиб, 5та гол ўтказиб юборди. Битта баҳсда дарвозаси дахлсизлигини сақлаб қолган.