“Ювентус”да Роналдудан бошқа ҳеч ким қолмайдими?

Жорий мавсумда А Серия жамоалари томонидан жиддий қаршиликни сезган “Ювентус” Италиядаги гегемонлигини тиклаш учун жамоа таркибини кескин янгилашни бошлади.

Ҳозирча,  Турин клуби раҳбарияти бир неча мавсум тўп сурган Миралем Пьянични “Барселона”га жўнатиб, Каталониядан Артурни олиб келди.

Шунингдек, бош мураббий Маурицио Сарри жамоани ёшартириш учун Гонсало Игуаин, Сами Хедира, Блез Матюиди, Даниэле Ругани, Маттиа де Шильо, Федерико Бернардески ва ижарада юрган Лука Пеллегрини ва Кристиан Ромеродан воз кечиши ҳақида хабарлар тарқатилди.

“Ювентус” Роналдунинг ҳужумдаги шериги Пауло Дибала билан шартномани узайтиришга ҳаракат қилмоқда. Бундан ташқари, туринликлар эски футболчилардан бўшайдиган ўринларга “Наполи” форварди Аркадиуш Милик, “Фиорентина” вакили Федерико Кьеза ва “Рома” етакчиси Николо Дзаньолони олиб келиш ишларини олиб бормоқда.