"Yuventus"ga yangi futbolchi keldi

"Shalke" yarim himoyachisi Ueston Makkenni yangi mavsumni "Yuventus"da o‘tkazadigan bo‘ldi.

Klub rasmiy sayti tarqatgan xabarga ko‘ra, “keksa sinora” 21 yoshli amerikalik futbolchini 4,5 mln evroga ijaraga olgan. Turinliklarda uni keyinchalik 18,5 mln evro evaziga to‘liq sotib olish huquqi mavjud.

"Shalke" Makkennini 2017 yilda sotib olgan. U o‘tgan davr mobaynida gelzenkirxenliklar safida 91 ta o‘yinda maydonga tushdi va 5 ta gol hamda 7 ta golli uzatmaga mualliflik qildi.