"Ювентус"нинг асосий ҳимоячиси узоқ муддатга сафдан чиқди

"Ювентус" ҳимоячиси Маттейс де Лигт елкасидаги жароҳати туфайли 3 ойгача майдонга тушолмаслиги мумкин. Бу ҳақда Football Italia нашри хабар бермоқда.

“Мен елкамни операция қилдиришим керак. Ҳозир бор эътиборим шунда”, - дейди голландиялик футболчи.

Энди де Лигт ноябрь ойигача “кекса синьора”га ёрдам беролмайди. У ўтган мавсум “Ювентус” сафида 39 та ўйинда майдонга тушди ва ўз ҳисобига 4 та гол ҳамда 1 та голли узатма ёздириб қўйишга эришди.