"Ювентус"нинг икки етакчиси сафга қайтди

“Ювентус” 21 ноябрь куни А Сериянинг навбатдаги туридан ўрин олган “Кальяри”га қарши ўйинга тайёргарликни давом эттирмоқда.

Клуб расмий сайтининг хабар беришича, ярим ҳимоячи Федерико Кьеза ва ҳужумчи Пауло Дибала жароҳатидан соғайиб умумий гуруҳда шуғулланишни бошлаган.

Кьеза жорий мавсум А Серияда 2 та ўйинда майдонга тушди ва 2 та голга ассистентлик қилди. Дибала 3 та ўйинда иштирок этди.