Юз эллик миллион евро! Манчестерликлар "Реал"нинг икки юлдузини бирдан олади

«Манчестер Юнайтед» жамоаси Мадриднинг «Реал» клубида тўп суришга ҳақли бўлган икки ярим ҳимоячи – Орельен Тчуамени ва Эдуардо Камавингага жиддий қизиқиш билдирмоқда.

Англия гранди бу икки француз футболчисига нисбатан анча вақтдан бери даъвогарлар қаторида тилга олиб келинади. 

Transfer News Live нашрининг ElNacional манбасига таяниб хабар беришича, манчестерликлар шу ёзда «Реал»нинг икки ярим ҳимоячисини бир вақтнинг ўзида қўлга киритиш имкониятини кўриб чиқмоқда. 

Мадрид клуби эса ушбу футболчиларни сотиш орқали тахминан 150 миллион евро ишлаб топишни режалаштираётгани айтилмоқда. Бу маблағ «Манчестер Сити» сафида ўйнаётган Родрининг трансфери учун сарфланиши мумкин.

Айни пайтда Тчуамени ва Камавинга «Реал»да қолиш тарафдори экани қайд этилмоқда. Бироқ «Манчестер Юнайтед» расмий таклиф билан чиқса, вазият кескин ўзгариши эҳтимоли бор.