"Зенит" ҳам Суперлигада иштирок этиши мумкин эди, аммо...

Журналист Василий Конов нега "Зенит" клуби янги ташкил этилган Европа Суперлигасида иштирок этишга таклиф қилинмагани ҳақида гапириб берди.

“Потенциал жиҳатдан кучли ҳомийга эга бўлган ва асосан шу туфайли, Суперлига қизиқиш билдирган ягона Россия клуби бу "Зенит" эди. Аммо "Зенит" ҳомийси Чемпионлар Лигаси ва УЕФА ҳомийси ҳисобланади. Суперлига раҳбарияти "Зенит"га қизиқиш билдирган, аммо улар питерликларнинг жавобини кутиб ўтирмади”, - деди Конов.

“Зенит”нинг бош ҳомийси Россия трансмиллий энергетика компанияси – “Газпром” ҳисобланади. У УЕФАнинг яқин ҳамкорларидан биридир.

Бундан аввалроқ, Россия премьер-лигаси президенти Сергей Прядкин Суперлигага қарши экани ва бу борада УЕФАнинг позициясини қўллаб-қувватлашини маълум қилган эди.