Зидан "Атлетико"дан учралган 3:7 ҳисобидаги мағлубиятдан сўнг, кийим алмаштириш хонасига кирмади

Америка Қўшма Штатларида бўлиб ўтаётган турнирда "Реал" клуби "Атлетико"га 3:7 ҳисобида ютқазиб қўйди.

АҚШда бўлган Мадрид дербисидан сўнг, Зидан кийим алмаштириш хонасига кирмай, тўғри ўйиндан кейинги матбуот анжуманига кирган. Журналистлар саволларига жавоб бериб бўлиб, клубнинг автобусига йўл олган. Баҳсдан кейин, хафа бўлган футболчилар Зиданни кутган бўлишларига қарамай, у кийим алмаштириш хонасига киришни истамади.

Сабаби, франциялик мутаҳассис ўйиндан жуда ғазабланган ва вазиятни ёмонлаштирмаслик учун шундай қарорга келган.

Матбуот анжуманида эса, Зидан ишонч билан жамоа яхши мавсум ўтказишини айтиб ўтди.