Зидан Франция терма жамоаси бош мураббийи бўлди

Мадриднинг машҳур «Реал» клубида бош мураббий сифатида ишлаган Зинедин Зидан яна катта футболга қайтди. 54 ёшли мутахассис энди Франция миллий жамоасини бошқаришни бошлади. Бу ҳақда мамлакат футбол федерацияси ижтимоий тармоқларда расман маълум қилди.

Зидан билан тузилган шартнома 2030 йилгача мўлжалланган. У шу пайтгача терма жамоани бошқариб келган Дидье Дешам ўрнини эгаллади. Дешам жамоа билан ишини 2026 йилдаги жаҳон чемпионатидан сўнг якунлаган эди.

Шу йилги мундиал Шимолий Америкада ўтказилди. Франция терма жамоаси мусобақада ярим финалгача етиб борди. Аммо финалга чиқиш арафасида «уч ранглилар» Испанияга 0:2 ҳисобида мағлуб бўлди. Учинчи ўрин учун баҳсда эса французлар Англияга 4:6 ҳисобида ютқазиб, тўртинчи ўрин билан чекланишди.