Зидан Франция терма жамоасини бошқармоқчи

"Реал"нинг собиқ бош мураббийи Зинедин Зидан яқин келажакда Франция терма жамоаси бошқарувини ўз қўлига олиши мумкин. Бу ҳақда Libertad Digital нашри хабар тарқатмоқда.

Юқоридаги манбага кўра, Зиданнинг ўзи ҳам Франция терма жамоасини бошқаришни хоҳламоқда. У бунинг учун ҳатто бир мавсум давомида ишламасликка тайёр.

48 ёшли Зидан "Реал"ни 2016-2018 ҳамда 2019-2021 йилларда бошқарди. Унинг қўл остида жамоа 11 та соврин қўлга киритди. Жумладан, 3 марта УЕФА Чемпионлар лигасида зафар қучди.

Зидан футболчилик фаолияти давомида Франция терма жамоасида жами 108 та ўйин ўтказган ва рақиблари дарвозасига 31 та гол урган. У 1998 йилда Франция терма жамоаси сафида жаҳон чемпионлигини қўлга киритган.