Зидан "Интер"га қарши ўйин ҳақида: Бундай омад ҳар доим ҳам келавермайди

ЕЧЛ 3-туридан ўрин олган "Реал" - "Интер" (3:2) учрашувидан сўнг, мадридликлар устози Зинедин Зидан ўз фикрларини билдириб ўтди.

"Ўйин тенг курашлар остида ўтди. Якунда муҳим бўлган 3 очкони қўлга киритдик. Осон бўлмади, характер эвазига ғалаба қозондик.

Беллашувни яхши бошладик, прессинг қилдик. Аммо, рақиблар тезда ўзларига келганидан сўнг, бизда муаммолар пайдо бўла бошлади. Иккинчи бўлим ҳам тенг бўлди, лекин биз муҳим бўлган учинчи голни кирита олдик. "Интер" жисмоний жиҳатдан яхши эди в тезкор ҳаракат қилди.

Бугун хурсанд бўлишимиз керак. Чунки, бу футбол ва ҳар доим ҳам омадли бўлавермаймиз. Ўйиндан завқ олиш керак. Учрашувда кўплаб қийинчиликлар юзага келди. "Интер" яхши жамоа, 3 очко олгач, футболчиларни табриклаш керак. Мен хурсандман, жуда хурсандман", - деди франциялик мутахассис.