Зидан каби қайтаётган Канчельскис ёхуд "Навбаҳор" мухлислари Андрейни кутишмоқда
Бир неча кундан бери "Навбаҳор"ни ким бошқариши билан боғлиқ муҳокамалар кун мавзусига айланди. Жамоанинг охирги пайтдаги натижалари сабаб Деян Журжевичга чиқиш эшиклари кўрсатилган. Энди унинг ўрнини Намангандан кетганига 2 ой бўлиб бўлмаган Анрдей Канчельскис эгаллаши ойдинлашди.
SPORTS.uz сайтига маълум бўлишича, наманганлик ишқибозлар стадион яқинида севимли мураббийига айланган россиялик мутахассисни кутишмоқда. Бу ҳолат акс этган фотога таниқли шарҳловчи Хайрулла Ҳамидов телеграмдаги ўзининг саҳифасида қуйидаги фикрни ёзиб қолдирди.
- Наманганлик ишқибозлар Канчельскисни шу таҳлит кутишяпти. Мураббий Наманганга Зидан каби қайтяпти ўзиям, - дея ёзган Хайрулла Ҳамидов.
Бугун мураббий Наманганга келиб, клуб раҳбарлари билан музокара ўтказади ва катта эҳтимол билан шартнома имзолайди.
Фикрлар