Зидан нимадан афсусда?

"Реал" бош мураббийи Зинедин Зидан норвегиялик ярим ҳимоячи Мартин Эдегорни "Арсенал"га ижарага беришга қарши чиққан.

Defensa Central нашри тарқатган хабарга қараганда, франциялик мутахассис агар Мартин таркибда бўлганида, "Реал" Ла Лигани юта оларди деб ҳисоблайди. Эдегор Лондонга кетмаганида, Модрич ва Кроос қўшимча дам олиши ва натижада ўйин сифати яхшиланиши мумкин эди.

Эслатиб ўтамиз, "Арсенал" Эдегорни жорий йил январида сотиб олиш ҳуқуқисиз ижарага олган. Мартин “канонирлар” сафида 18 та ўйинда иштирок этди ва 2 та гол урди.

“Реал” 35 турдан сўнг 75 очко билан Ла Лига мусобақа жадвалида 3-ўринда бормоқда. 2-ўриндаги “Барселона” ҳисобида 76 очко мавжуд.