Зиданга кутилмаган иш чиқди

Франциялик мутахассис Зинедин Зидан икки йил муқаддам “Реал”дан кетганидан кейин Франция терма жамоасини бошқариш орзуси билан юрганди. Бироқ Дидье Дешам ўз ишини зўр уддалаётгани боис, Франция футбол федерацияси Зиданга иш таклиф қилгани йўқ.

Кейинги пайтда Зинедин “Манчестер Юнайтед”да иш бошлаши мумкинлиги ҳақида хабарлар тарқатилганди. Манчестерликлар ҳали ҳам Эрик тен Хагдан воз кечмаяпти.

Энди Зидан олдида яги вариант пайдо бўлди. “Марсель” клуби раҳбарияти жамоани Зиданга топширмоқчи. Бу ҳақда France Bleu Provence нашри хабар берди.

Манбага кўра, Зидан “Марсель”да ишлаш таклифига ижобий жавоб берган. Ҳозир томонлар ўртасидаги музокара анча фаол ва яхши давом этмоқда.