Зиданнинг кетиши супертрансферга халақит қилмайди

“Реал” бош мураббийи Зинедин Зидан клубдан кетишга қарор қилса ҳам, “Бавария”ни тарк этган Давид Алабанинг трансферига таъсир қилмайди.

Австриялик универсал ҳимоячи Зиданнинг кетиши унинг режаларини амалга оширишида тўсқинлик қилмаслигини билдирди. Чунки у “Қироллик клуби”да тўп тепишга тайёрланмоқда.

Маълумотларга қараганда, мадридликлар келаси ҳафтада Давид Алабани ўз ўйинчиси сифатида таништириши кутилмоқда.

Томонлар дастлабки шартномани апрель ойида имзолаган эди. Унга кўра, 28 ёшли ҳимоячи йилига 12 миллион евро миқдорида маош олади.