Зиданнинг тўнғич ўғли Португалия клуби билан шартнома имзолади

Швейцариянинг “Лозанна” клуби ярим ҳимоячиси Энцо Зидан фаолиятини Португалия чемпионатида давом эттирадиган бўлди.

Аниқроғи, “Реал” Мадрид бош мураббийи Зинедин Зиданнинг тўнғич ўғли “Авиш” клуби билан 2 йиллик шартнома имзолади.

Эслатиб ўтамиз, бундан аввалроқ Зиданнинг бошқа бир ўғли Лука Зидан “Расинг” клуби билан шартнома имзолаган эди.