Зўр ўйинчи ана шундай бўлади. У биринчи учрашувдаёқ рекорд ўрнатди

“Бавария” таркибидан “Ливерпуль”га кўчиб ўтган Тьяго Алькантара илк ўйиндаёқ қандай ўйинчи эканини ҳаммага исботлаб қўйди.

“Челси” майдонида бўлган ва ливерпулликларнинг 2:0 ҳисобидаги ғалабаси билан якунланган учрашувда испаниялик ярим ҳимоячи иккинчи бўлимда майдонга тушди. Беллашувда Тьяго жамоадошларига жами 75 та аниқ пас оширди. Бу кўрсаткич Англия премьер-лигаси учун мутлақ рекорд бўлди. Ҳали ҳеч ким аниқ пас оширишда бундай самарадорликка эришмаган экан.

Аниқ паслар сони 2004-2005 йилги мавсумдан ҳисоб-китоб қилина бошланган. Ҳозиргача, ҳеч бир футболчи 45 дақиқа ичида бунча аниқ пас узата олмаган.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар