«Ливерпуль» – «Саутгемптон». Матип учрашувни ўтказиб юборади

“Ливерпуль” клуби ҳимоячиси Жоэль Матип бугун АПЛнинг 12-турида “Саутгемптон”га қарши бўлиб ўтадиган ўйинда майдонга туша олмайди.

The Liverpool Echoнинг маълум қилишича 25 ёшли камерунлик футболчининг сонида жароҳат аниқланган. Ҳозирча унинг жароҳати ҳақида аниқ маълумотлар ошкор этилмаяпти.

Маълумот учун, Матип жорий мавсум премьер-лиганинг ўтган 11та турининг барчасида майдонга тушган ва ўз ҳисобига 1та гол ёздириб қўйишга эришган.

Эслатиб ўтамиз, «Ливерпуль» – «Саутгемптон» баҳси бугун Тошкент вақти билан соат 20:00да старт олади.