7 ta gol urilgan o‘yinda "Borussiya" yirik g‘alabaga erishdi. Xolanddan poker!

Germaniya Bundesligasi 8-turidan o‘rin olgan "Gerta" - "Borussiya" Dortmund uchrashuvi o‘z yakuniga etdi. Unda mehmonlar 5:2 hisobida g‘alaba qozondi.

Dastlab, Mateus Kunya hisobni ochgan bo‘lsa, "asalarilar" bu golga 4 to‘p bilan javob qaytardi. Har ikki jamoa futbolchilari o‘yinning 79-daqiqasida gol urishdi. Umumiy hisobda Erling Xoland pokerni nishonlagan bo‘lsa, Mateus Kunya dublga erishdi. Shuningdek, Rafael Gerreyru ham o‘z nomini tabloga yozdirib qo‘yishga erishdi.

• 90+3'
  

  Учрашув якунланди! Матнли трансляция Жавоҳир Азимов томонидан олиб борилди.

• 90+2'

  Ўйин сўнгини жамоалар шунчаки расмиятчилик сифатида ўтказмоқда.

• 90'
  

  Ўйиннинг асосий вақтига 3 дақиқа қўшиб берилди.

• 87'

  Сўнгги дақиқаларни меҳмонлар тўп назорати билан ўтказмоқда.

• 84'
  

  Эрлинг Ҳоланд ўз ўрнини Юсуф Мукукуга бўшатиб берди.

• 82'
  

  Рейнанинг кучли зарбасини дарвозабон қайтаришга муваффақ бўлди.

• 79'
  

  ГООООООООООЛЛЛЛЛЛЛ! Ҳоланддан покер!

  Дарҳол ҳужумга ўтган Ҳоланд 3 та гол фарқини тиклади.

• 79'
  

  ГООООООООООЛЛЛЛЛЛЛ! Кунья ҳисобдаги фарқни қисқартирди!

  Нуқтага яқинлашган Кунья дублни расмийлаштирди.

• 78'
  

  Гендузи жарима майдонига ёриб кирди. Аканжи уни қоида бузиш эвазига тўхтатди. Ҳакам пенальти белгилади.

• 76'
  

  Эмре Жан ва Марко Ройс захирага олинди. Улар ўрнига Рейна ҳамда Пишшек ўйинни давом эттиради.

• 73'

  Мезбонлар ҳам сўнгги дақиқаларда бироз жонланиб қолди.

• 70'
  

  ГООООООООООЛЛЛЛЛЛЛ! Геррейру ҳисобни йириклаштирди!

  Жарима майдони ичидаги палапартишликдан фойдаланган Рафа жамоасининг навбатдаги голини киритди.

• 67'

  Беллингем жарима майдони ичида йиқилиб тушди. Ҳакам бу сафар ҳам унга ўрнидан туриши кераклигини тушунтирди.

• 64'

  Дортмундликлар марказдаёқ тўпни олиб қўймоқда.

• 62'
  

  ГООООООООООЛЛЛЛЛЛЛ! Ҳоланд хет-трикни нишонлади!

  Дарвозабон билан бирга-бир вазиятга чиқиб борган Эрлинг уни алдаб ўтиб, бўш қолган дарвозани ишғол этди.

• 61'
  

  Ҳакамга эътироз билдиргани учун Кунья огоҳлантирилди.

• 58'

  Тўлиқ назорат Фавр шогирдларида. "Герта"олдинга ўта олмаяпти.

• 54'

  "Боруссия" голдан руҳланиб, босим уюштиришда давом этмоқда.

• 51'

  Пекарик бош билан зарба берди. Тўп тўсин юқорисидан ўтиб кетди.

• 49'
  

  ГООООООООООЛЛЛЛЛЛЛ! Ҳоланд жамоасини ҳисобда олдинга олиб чиқди!

  Жарима майдони ичидан кучли зарба йўллаган Эрлинг дарвозабонга имконият қолдирмади.

• 48'

  Пёнтек жарима майдонига узатма амалга оширди. Шериклари тўпга ета олмади.

• 47'
  

  ГООООООООООЛЛЛЛЛЛЛ! Ҳоланд ҳисобни тенглаштирди.

  Эмре Жаннинг идеал узатмасини Ҳоланд дарвозага тўғирлаб юборди.

• 46'
  

  Иккинчи бўлим бошланди!

• 46'

  Футболчилар майдонга қайтди. Биз ҳам қайтамиз.

• 45+2'
  

  Танаффус!

• 45+1'

  Ҳоланд бўш қолган дарвозага тўп кирита олмади. Ортдан етиб келган ҳимоячи унга зарба бериш имкониятини қолдирмади.

• 45'
  

  Биринчи бўлимга 1 дақиқа қўшиб берилди.

• 44'
  

  Менье узатган тўпни ҳимоячи майдон ташқарисига чиқариб юборди.

• 42'

  "Асаларилар" ҳисобни тенглаштириш мақсадида тинмай олдинга ўтмоқда.

• 39'

  Геррейру узатган тўпга шериги мослаша олмади. Натижада, дарвозабон тўпни эгаллаб олди.

• 37'

  Ҳоланд жарима майдонида йиқилиб тушди. Ҳакам ўйинни давом эттиришга рухсат берди.

• 35'

  Витсель марказда гол муаллифига қарши қоида бузди.

• 33'
  

  ГООООООООООЛЛЛЛЛЛЛ! Кунья ҳисобни очди!

  Дарҳол қарши ҳужумга ўтган Кунья жарима майдони ташқарисидан кучли зарба йўллади. Дарвозабон тўпга ета олмади.

• 33'

  Ройс жарима майдонига узатган тўпни Витсель дарвозага тўғирлаб юбора олмади.

• 32'

  Жарима майдони яқинида Брандт йиқитилди. "Боруссия"да яна бир яхши стандарт вазият.

• 29'

  Стандарт вазиятдан Геррейру зарба йўллади. Тўп жонли девордан ўтмади.

• 28'
  

  Бурчакдан етказиб берилган тўпга дортмундликлардан ҳеч ким зарба бера олмади.

• 25'

  Эрлинг Ҳоланд дарвозабон билан бирга-бир вазиятга чиқиб боришига ҳимоячи йўл қўймади.

• 23'
  

  Берлинликлар бурчак тўпидан наф чиқара олмади.

• 21'

  Мезбонларнинг кмсонли ҳужумларининг навбатдагисида Кунья жарима майдони ичидан зарба бера олмади.

• 19'

  "Герта"нинг фаоллиги тўхтаб қолди. Меҳмонлар бунга имкон бермаяпти.

• 17'
  

  Рақибидан қайтган тўпга Ройс зарба берди. Дарвозабон ўз ўрнида.

• 16'

  Икки рақибини алдаб ўтган Ҳоланд кучли зарба берди. Тўп йўлига ҳимоячилар ғов бўлди.

• 14'

  Ҳоланднинг узатмасидан кейин Витсель олдинга ўтди. Бироқ ҳимоячилар унга жарима майдонига кириш имкониятини қолдирмади.

• 12'

  Тўп назорати "асаларилар"да. Мезбонлар қарши ҳужумларда фурсат пойламоқда.

• 10'
  

  Жарима майдонига кириб кетаётган рақибини чалиб йиқитган Геррейру огоҳлантирилди.

• 8'

  Пёнтек қулай имкониятдан зарба бера олмади. Дарвозабон ўз ўрнини ташлаб чиқиб, тўпни ушлаб олди.

• 5'

  Даудга нисбатан Кунья жиддий қўполлик ишлатди. Ҳакам уни оғзаки огоҳлантирди.

• 3'

  Ўйинни дортмундликлар фаол ҳужумлар билан бошлади.

• 1'
  

  Учрашув бошланди!

• 0'

  Футболчилар майдонга тушиб келди. Ўйин бир неча дақиқалар ичида старт олади.