Ana xolos: La Liga "El-Klassiko"ni endi Ispaniyada o‘tkazmasligi mumkin

Kelgusi mavsumdan e’tiboran, Ispaniya La Ligasining ayrim bahslari chet elda bo‘lib o‘tishi mumkin. Football Espana xabariga ko‘ra, La Liga rahbariyati shunday fikrni ko‘rib chiqmoqda.

Buning asl sababi, albatta, mo‘may daromadda. Unga ko‘ra chempionatning eng qiziqarli o‘yinlari Xitoy yoki AQShda bo‘lib o‘tishi mumkin.

"Ispaniya chempionatini biz xalqaro miqyosga olib chiqmoqchimiz. Unga ko‘ra, biz chempionatning ayrim o‘yinlarini Ispaniyadan tashqarida o‘tkazamiz.  Ushbu g‘oya hozirda ko‘rib chiqilmoqda. Biz bunday harakatlarni qo‘llab-quvvatlaymiz", - deb ayib o‘tdi La Liga prezidenti Xaver Tebas.