Atletlar bir piyola choyga taklif qilindi (foto)

  Taomilga ko‘ra, yoshlar o‘rtasida og‘ir atletika bo‘yicha Jahon chempionati ishtirokchilari bir piyola choyga taklif qilindi. Joriy yilning 7-14 iyul kunlari Toshkentdagi "O‘zbekiston" sport majmuida atletlar bellashuvi bo‘lib o‘tgani haqida takror va takror ma’lumotlar berib borganimizdan xabaringiz bor. Choy esa qutlug‘ mehmonlar uchun atalgan "O‘zbekiston" mehmonxonasining hashamatli zallaridan birida bo‘lib o‘tdi.

  Tantanada musobaqaning eng yaxshilari taqdirlandi. Eng yaxshi ko‘rsatgichga erishgan jamoalar e’lon qilindi. "Musobaqaning eng yaxshi ayol sportchisi" ekvadorlik Patrisia Barrera bo‘ldi. "Musobaqaning eng yaxshi erkak sportchisi" esa hamyurtimiz Adhamjon Ergashevga nasib etdi. "Eng yaxshi jamoalar" nominatsiyasida sportchilarimiz ikkinchi (o‘g‘il bolalar) va uchinchi (qiz bolalar) o‘rinlarni egalladi.