Bilasizmi? Gyundogan kecha 44ta aniq pasdan so‘ng MYu darvozasini ishg‘ol etdi

Xabaringiz bor "Manchester Siti" yarim himoyachisi Ilkay Gyundogan kecha "Manchester Yunayted"ga (3:1) qarshi bo‘lib o‘tgan bahsda jamoasining uchinchi goliga mualliflik qildi.

Opta nashri tarqatgan xabarga ko‘ra germaniyalik futbolchi raqib darvozasini ishg‘ol qilgunigacha “siti” futbolchilari naqd 44 marta bir-birlariga aniq pas oshirishgan.

So‘nggi marta APLda golgacha bunday uzoq pas oshirishlar 2015 yilda “Sautgempton” hamda “Manchester Yunayted” klublari o‘rtasidagi bahsda sodir bo‘lgan. O‘shanda MYu futbolchilarining bir-birlariga oshirgan 45ta aniq pasidan so‘ng Xuan Mata raqib darvozasiga gol urgan.