Bilasizmi? Saloh "Liverpul"dagi ilk 50ta golini hammadan tez kiritdi

Avval xabar berganimizdek “Liverpul” forvardi Muhammad Saloh joriy hafta Chempionlar ligasi guruh bosqich 3-turidan o‘rin olgan “Tsrvena Zvezda”ga (4:0) qarshi bahsda gol urib, o‘zining mersisaydliklar safidagi gollari sonini 50taga etkazib oldi.

E’tiborlisi, 26 yoshli misrlik futbolchiga ushbu natijaga erishish uchun bor yo‘g‘i 65ta o‘yin etarli bo‘ldi. Shu tariqa u  50ta golni Fernando Torres (72ta o‘yin) va Daniel Starrijlardan (91ta o‘yin) ancha tezroq kiritishga erishdi.

Eslatib o‘tamiz, Saloh “Liverpul” safiga 2017 yilning yozida “Roma”dan 42 mln evroa ko‘chib o‘tgan edi.