“Buxoro” – “Lokomotiv” 1:3 (video)

Seshanba oqshomida Pepsi Superligasida 25-tur uchrashuvlari start oldi. Amaldagi chempion – Toshkentning “Lokomotiv” klubi safarda “Buxro” bilan kuch sinashdi.

Qeskin va qarama-qarshi hujumlarga boy tarzda kechgan uchrashuvda “temiryo‘lchilar” ishonchli hisobdagi g‘alabani qo‘lga kiritishdi.

O‘yinning 7-daqiqasida Temurxo‘ja Abduholiqov chap qanotdan Shuxrat Muhammadiev uzatib bergan to‘pni bosh bilan darvozaga joylab qo‘ydi.

19-daqiqada esa Sanjar Shoahmedov yana o‘sha Muhammadievning uzatmasidan so‘ng raqib darvozasinin ishg‘ol etishning uddasidan chiqdi.

39-daqiqada “Lokomotiv” jarima maydoni ichida yuzaga kelgan pala-partishlikdan unumli foydalangan Salamat Quttiboev hisobni qisqartirishga erishdi, ammo ikkinchi bo‘limda yana katta sahnaga chiqqan Abduholiqov hisobning ishonchli ko‘rinish olishini ta’minladi.

Quyida esa mazkur o‘yin videosharhi bilan tanishish imkoniga egasiz.