"Buxoro" Toshkentda 4 ta nazorat o‘yini o‘tkazadi

Jamoaning Buxoroda 15 yanvarga qadar davom etgan o‘quv-yig‘ini o‘z nihoyasiga etdi. Bu haqda jamoa matbuot xizmati xabar bermoqda.

Klub yangi mavsumga tayyorgarlikni 18 yanvardan boshlab Toshkentda davom ettiradi. Mazkur yig‘in davomida buxoroliklar 4 ta nazorat o‘yini o‘tkazishni rejalashtirgan.

Baxtiyor Ashurmatov shogirdlari 21 yanvar "Andijon" ,23 yanvar "Surxon", 26 yanvar "Bunyodkor", 30 yanvarda "So‘g‘diana" jamoalariga qarshi sinov-nazorat bahslarida maydonga tushishadi.