"Inter"ning asosiy himoyachisi 10 kunga safdan chiqdi

Milanning "Inter" klubi himoyachisi Shime Vrsalko sonidan olgan jarohati sabab kamida 10 kun maydonga tusha olmaydi. Bu haqda Football-Italia nashri xabar bermoqda.

Eslatib o‘tish lozimki, 26 yoshli xorvatiyalik futbolchi kuni kecha bo‘lib o‘tgan Angliyaga (2:1) qarshi bahsda jarohat olib maydonni tark etgan edi.

Shu tariqa Vrsalko 24 noyabr kuni A Seriyaning 13-turidan o‘rin olgan “Frozinone”ga qarshi o‘yinda “Inter”ga yordam bera olmaydi. “Neradzurrilar” uni kelasi hafta UEFA Chempionlar ligasi doirasida “Tottenxem”ga qarshi bo‘lib o‘tadigan muhim bahsga qadar sog‘ayishiga umid qilishmoqda.