Laudrup “Real”ni boshqarishga rozi bo‘ldi

Daniyalik mashhur mutaxassis Mikael Laudrup “Real”ni boshqarishga tayyor. Bu haqda Sport.es xabar bermoqda.

Unga ko‘ra 54 yoshli murabbiyning vakillari ushbu masala yuzasidan “qirollik klubi” bilan bog‘lanishgan va ularga mijozining xizmatlarini taklif qilishgan. Qayd etish lozimki, Laudrup “Real”ning sobiq futbolchisi hisoblanadi. U 1994-1996 yillarda madridliklar sharafini himoya qilgan.

Ma’lumot uchun, Mikael Laudrup faoliyati davomida "Spartak" Moskva, "Brondbya", "Xetafe", "Malorka", "Suonsi", "Laxviya" hamda "Al-Rayyan" klublarida ishlagan.

Eslatib o‘tamiz, “Real” rahbariyati jamoaning joriy mavsum ko‘rsatayotgan qoniqarsiz natijalari sabab tez orada jamoa bosh murabbiyi Xulen Lopetegini iste’foga chiqarmoqchi.