Mbappe: Mavsumni PSJda yakunlayman

PSJ klubi xujumchisi Kilian Mbappe "Gengam"ga qarshi bahsdan so‘ng (9:0) kelajagi borasida jurnalistlar savollariga javob berdi. 

- Futbolda kelajak borasida bir nima aytish mushkul. Mavsumni PSJda yakunlashim aniq, keyinchalik nima bo‘lishini e’lon qilaman, - deya Mbappening so‘zlaridan iqtibos keltiradi El Shiringuito TV.

Ma’lumot uchun, Mbappe PSJ safiga 2017 yilda “Monako”dan 180 mln evro evaziga ko‘chib o‘tgan edi. U o‘tgan davr mobaynida parijliklar safida jami 67ta o‘yinda maydonga tushib, o‘z hisobiga 42ta gol va 26ta golli uzatma yozdirib qo‘yishga erishgan.