"Monako" Portugaliya terma jamoasi a’zosini o‘z safiga qo‘shib oldi

"Lester" yarim himoyachisi Adrien Silva "Monako"ga ko‘chib o‘tdi. Bu haqda klub rasmiy sayti xabar bermoqda.

Unga ko‘ra monakoliklar 29 yoshli portugaliyalik futbolchini mavsum yakunigacha ijaraga olishdi.

Ma’lumot uchun, Silva "Lester" safiga 2018 yilning yozida ko‘chib o‘tgan edi. U joriy mavsum 21ta o‘yinda maydonga tushdi va 3ta golga assistentlik qilishga erishdi. U shuningdek faoliyati davomida "Sporting", "Makkabi" va "Akademik". Klublarida to‘p surgan. Portugaliya terma jamoasida esa 26 o‘yinda maydonga tushgan va 1ta gol urgan.