“Nasaf” hamda “Al Xidd” klublari o‘rtasidagi o‘yin soat 16:00da boshlanadi

“Nasaf” klubi ushbu mavsumda O‘zbekiston klublari ichida birinchi bo‘lib Osiyo Chempionlar Ligasida maydonga tushadi.

Ro‘ziqul Berdiev jamoasi 31 yanvar kuni o‘z maydonida OChL o‘tish o‘yini bosqichida Bahraynning “Al Xidd” klubini qabul qiladi. Avvalroq xabar berilganidek, mazkur uchrashuv Toshkentdagi “Bunyodkor” stadionida bo‘lib o‘tadi. Mazkur uchrashuv soat 16:00da boshlanadi. Bu haqda O‘FF rasmiy sayti xabar bermoqda.

Ma’lumot uchun, mazkur o‘yin g‘olibi OChL pley-off keyingi bosqichida guruh bosqichi yo‘llanmasi uchun Saudiya Arabistonining “Al Fatex” klubiga qarshi maydonga tushadi.