No‘’mon Hasanov: Uchrashuv “derbi”ga mos o‘tdi

Bugun Superliganing so‘nggi turi doirasida bo‘lib o‘tgan “Neftchi” – “Qo‘qon-1912” uchrashuvidan so‘ng mehmonlar ustozi No‘’mon Hasanov o‘z fikrlarini bildirib o‘tdi.

"Bugun qo‘lga kiritilgan g‘alaba bilan muxlislarimizni tabriklayman. Qiyin g‘alabaga erishdik. Uchrashuv “derbi” nomiga mos ravishda – shiddatli va keskin kurashlar ostida o‘tdi. Jamoalar maydonda haqiqiy “jang” olib borishdi. Ikki nafar futbolchimiz jarohat olganidan ham, maydonda qanday kurash bo‘lganini bilish mumkin. G‘alaba qo‘lga kiritib, yuqori kayfiyatda ta’tilga chiqib ketayotganimiz yaxshi bo‘ldi", - dedi murabbiy.