Qatar klubi Yaponiya terma jamoasi futbolchisini 35 mln evroga sotib oladi

Portugaliyaning “Portimonense” klubi yarim himoyachisi Seya Nakazima faoliyatini Qatarda davom ettiradi.

AS nashri tarqatgan xabarga ko‘ra 24 yoshli futbolchi “Al-Duxayl” bilan shartnoma imzolaydi. Uning transferi esa 35 million evroga baholanmoqda.

Biroq, berilgan ma’lumotlarga qaraganda Nakazima keyinroq PSJga ko‘chib o‘tadi. Parijliklar to‘g‘ridan-to‘g‘ri ushbu transferni amalga oshirmaganliklarining boisi ayni damda ular UEFAning moliyaviy feyr-pley qoidasini buzmaslikka harakat qilishmoqda.

Qayd etish lozimki, “Al-Duxayl” ham, PSJ ham qatarlik biznesmen Nosir Al-Xelayfiga tegishli hisoblanadi.