Ravshanbek Umurzoqov 22 fevral kuni jang qiladi

Rossiya boks federatsiyasi joriy yilning 22 fevral kuni Ekaterinburg shahrida professional charm qo‘lqop ustalari o‘rtasida navbatdashi musobaqani tashkil qiladi.

Mazkur jangda mamlakatimiz sharafini Ravshanbek Umurzoqov (6-0-0) himoya qiladi. U o‘zining ettinchi jangini filippinlik bokschi Rimar Metudaga (12-4-1) qarshi o‘tkazadi. Mazkur bellashuv 8 raund davom etadi.

Eslatib o‘tamiz, Ravshanbek so‘nggi marta o‘tgan yili noyabr oyida venesuelalik Keli Figueroani (12-2-3) nokautga uchratgan edi.