Sadio Mane: Keyta "Liverpul"ga kelib barchani hayron qoldira oldi, biroq meni emas

"Liverpul" forvardi Sadio Mane joriy mavsum boshida jamoaga kelib qo‘shilgan Nabi Keyta haqida o‘z fikrini bildirib o‘tdi.

“Men Keytani yaxshi bilardim, chunki biz “Zaltsburg”da birga o‘ynaganmiz. Nabi – ajoyib futbolchi, ammo u hali yosh. U hali ko‘p narsani ko‘rishi va o‘rganishi lozim.

Keyta “Liverpul”ga kelgach barchani hayron qoldira oldi, biroq meni emas. Umid qilamanki u buyuk ishlarga qodir.

Keyta biz bilan birga o‘ynayotganidan xursandmiz. Uning jamoaga imkon qadar ko‘proq yordam berishini xohlayman”, - deydi Mane.