Suzuvchilarimiz Paraosiyo o‘yinlarida ikkita oltin medalni qo‘lga kiritdi
BAAning Dubay shahrida sportning engil atletika, suzish va pauerlifting turlari bo‘yicha yoshlar o‘rtasida Paraosiyo o‘yinlari o‘tkazilmoqda.
Musobaqaning suzish bahslarida O‘zbekiston terma jamoasi a’zolari ikkita oltin medalni qo‘lga kiritdi. 100 metrga batterflyay usulda suzgan Muhammad Abluraimov shohsupaning eng yuqori pog‘onasiga ko‘tarilgan bo‘lsa, ushbu masofaga chalqancha suzish bahslarida Akbar Yangiboev barcha raqiblarini ortda qoldirdi.
Ma’lumot uchun: Para Osiyo o‘yinlarida 30ta davlatdan 800ga yaqin sportchilar 7ta paralimpiya sport turlari bo‘yicha baxs olib bormoqda. O‘zbekiston milliy paralimpiya terma jamoasi ushbu musobaqada 17 nafar paralimpiyachilar bilan Vatanimiz sharafini ximoya qilmoqda.
Fikrlar