A Seriya. "Napoli"dan yana bir yirik g‘alaba. Ikki turda neapolliklar jami 9 ta gol urdi

A Seriya 2-turidan o‘rin olgan "Napoli" - "Montsa" uchrashuvi yakuniga etdi. Unda mezbonlar yirik 4:0 hisobida raqibdan ustun keldi. 

Neapolliklar safida Kvartsxeliya dubl muallifiga aylandi. Shuningdek, Osimxen hamda Kim Min Je raqib darvozasini ishg‘ol qildi. 

Shu tariqa, Spaletti shogirdlari ikki turdan so‘ng maksimal 6 ochko to‘plagan holda, A Seriya turnir jadvalida peshqadamlik qilmoqda.