Роналду ўзининг собиқ клубини чемпионлик билан табриклади

Португалия чемпионати ўз ниҳоясига етди. Жорий мавсумда чемпионликни  34 та тур давомида жами 82 очко тўплаган "Спортинг" қўлга киритди. Ушбу натижадан сўнг, клуб сафида катта футболга қадам қўйган Криштиану Роналду ўзининг ижтимоий тармоқдаги саҳифаси орқали лиссабонликларни  қутлади.

"Кетма-кет икки марта чемпионлик билан табриклайман" - деб ёзиб қолдирди футболчи.

Маълумот учун, Роналду 2002-2003 йилларда клуб таркибида ҳаракат қилган. Унинг ажойиб ўйинларидан кейин, "Манчестер Юнайтед" 19 миллион еврога сотиб олган эди. Айни пайтда, ҳужумчи "Ан-Наср" шарафини ҳимоя қилмоқда.