Afrika kubogining ikkinchi finalchisi nomi ham ma'lum

Afrika Millatlar kubogining yarim final oʻyinlari yakunlandi.

Marokash yashil maydonlarida boʻlib oʻtayotgan Afrika Millatlar kubogi oʻzining yakuniy bosqichiga yetib keldi. Bugun ikkinchi yarim final oʻyinida Nigeriya va mezbon Marokash terma jamoalari maydonga tushdi. Bahsning asosiy va qoʻshimcha boʻlimlarida hisob ochilmadi. Gʻolib nomi penaltilar seriyasi orqali aniqlandi. Futbol lotoreyasida Marokash 4:2 hisobida gʻalaba qozonib final yoʻllanmasiga ega chiqdi.