Afsus! Bir kishi kam qolgan O‘zbekiston OTJ Avstraliyaga yutqazdi va Olimpiada yo‘llanmasidan quruq qoldi

Bugun 23 yoshliklar o‘rtasidagi Osiyo chempionatida 3-o‘rin uchun bahs bo‘lib o‘tadi. Unda O‘zbekiston olimpiya terma jamoasi Avstraliya bilan kuch sinashadi. G‘olib Tokio-2020 Olimpiadasiga yo‘llanmani qo‘lga kiritadi.

Avstraliya - O‘zbekiston o‘yinini JONLI EFIRda tomosha qiling

Ushbu o‘yinni "Sport" telekanalida Dilshodbek To‘xtabekov va Bobur Akmalov birgalikda sharhlab boradi. Bu haqda Bobur Akmalov telegramdagi o‘zining sahifasida ma’lum qildi.

Ma’lumot o‘rnida, Avstraliya - O‘zbekiston uchrashuvi Toshkent vaqti bilan 17:30da start oladi.

Assalomu alaykum qadrli futbol muxlislari. SPORTS.uz sayti muxbirlari Tailand poytaxti Bangkok shahridan ushbu o‘yinning matnli onlayn translyatsiyasini amalga oshirmoqda.

Jamoalarning tarkiblari bilan tanishib oling:

* Bugun tarixiy o‘yin. G‘alaba qozongan jamoa Olimpiada yo‘llanmasini qo‘lga kiritadi. Shu bois uchrashuvning ahamiyati juda yuqori. Mazkur bahsda terma jamoamizni qo‘llab-quvvatlash uchun O‘zbekitondan yuzlab muxlislar tashrif buyurishdi. Qolavresa, futbolchilarga dalda bo‘lish uchun Superliga klublarining murabbiylari ham Tailandga kelishdi.

* Ushbu o‘yinni "Sport" telekanalida Dilshodbek To‘xtabekov va Bobur Akmalov birgalikda sharhlab boradi.

1* Uchrashuv boshlandi boshlandi. To‘pni o‘yinga hamyurtlarimiz kiritib berishdi.

3* Vakillarimiz dastlabki daqiqalarda to‘pni ushlab turishga e’tibor qaratishmoqda. Ammo raqib bizning xatoni kutib tezkor hujum tashkil etishga urinmoqda.

5* D`Agostino qanotdan oshirilgan to‘pga sakrash chog‘ida darvozabonimizga qo‘pollik ishlatib, gol urdi. O‘z navbatida hakam bu golni bekor qildi.

8* Abdulla Abdullaev himoyachilardan qaytgan to‘pni darvozaga yo‘naltirdi. Ammo ancha noaniq.

11* Xavfli vaziyat! Bobir Abdixoliqov chap qanotdan oshirgan to‘pni Jasurbek Yaxshiboev boshi bilan darvozaga yo‘naltirdi. Ammo raqib posboni o‘z o‘rnida.

14* Ayni paytga kelib tashabbus hamyurtlarimiz tomonida. Avstraliyaliklar o‘z imkoniyatlarini kutishmoqda.

* Muxlislar futbolchilarni tinmay qo‘llab turishibdi.

17* Xavfli vaziyat! Jasurbek Yaxshiboev o‘ng qanotdan yurib, darvozaga zarba berdi. Biroz noaniq.

22* Oxirgi 2-3 daqiqa "kengrular" bosim qilib ko‘rishdi. Barcha o‘z o‘rnida.

23* Jarima maydoniga yuqoridan oshirilgan to‘pni Nurillo To‘xtasinov xuddi shunday yo‘naltirdi. Yana noaniq.

28* Juda ham xavfli vaziyat! Jasurbek Yaxshiboev jarima maydonida 2 ta raqibni aldab zarba berdi. Himoyachilarga tegib, havoga ko‘tarilgan to‘pni Nurillo To‘xtasinov yaqin masofadan to‘rga kirita olmadi.

33* Janubiy Koreya bizni qanday qamal qilgan bo‘lsa, biz ham Avstraliyani shu tarzda himoyalanishga majbur qilyapmiz.

34* Ilhomjon Alijonov havolatib uzatgan to‘pni raqib posboni qiyinchilik bilan bartaraf qildi.

36* Xavfli vaziyat! Bobir Abdixoliqov qarshisidagi raqibni aldab jarima maydoni ichidan zarba berdi. Biroq to‘pni boshqa himoyachi qaytarib yubordi.

Bobirga yana qancha qulay imkoniyatlar kerak???!!!

43* o‘yin tempi biroz pasaygandek, Ammo futbolchilarimiz tinmayapti. Hujum ketidan hujum...

45* Birinchi taymga bir daqiqa qo‘shib berildi.

45+1* Dastlabki bo‘limda hisob ochilmadi 0:0. Tanaffus.

46* Ikkinchi taym boshlandi. OLG‘A O‘ZBEKISTON!!!

47* Yana boshlandi. Gooool. Avstraliyalik D`Agostino markazdan 3 futbolchidan o‘tib, jarima maydoniga kirdi va gol urdi.

53* Nurillo To‘xtasinov o‘rniga Oybek Bozorov maydonga tushdi.

54* Xavfli vaziyat! Ilhomjon Alijonov chap qanotdan uzatgan to‘pni Mirjahon Mirahmadov egallab zarba bermoqchi bo‘ldi. Biroq to‘p maydon tashqarisiga chiqib ketdi. Burchakdan oshirilgan to‘pni esa posbon qiyinchilik bilan bartaraf qildi.

58* Ikkinchi taym yomon boshlandi. Birgina zarba evaziga avstraliyaliklar gol urishdi. Hujumni biz qildik, ular gol urishdi.

59* Jasurbek Yaxshiboev sherigi bilan devor uslubida kombinatsiya tashkil etdi va o‘zi zarba berdi. Darvozabon to‘pni yana egallab oldi.

60* Oybek Bozorov maydon markazida raqibiga qo‘pollik ishlatgani uchun qizil kartoqka oldi. 

61* Mirjahon Mirahmadov o‘rniga Sharof Muhitdinov maydonga tushdi.

64* Xavfli vaziyat! Sharof Muhitdinov chamasi 22 metrlar uzoqlikdagi jarimadan zarba berdi. Juda xavfli. Ammo noaniq.

70* Son jihatidan ustun bo‘lgan Avstraliya bemalol harakat qilmoqda. Biznikilar esa endi ko‘p kuch sarflashlariga to‘g‘ri kelyapti.

71* Bakkus jarima maydonimiz ichidan zarba berdi. Abduvohid Ne’matov to‘pni egallab oldi.

74* Futbolchilarimiz oxirigacha harakat qilishmoqda. Ammo avstraliyaliklar zarba berishga imkoniyat berishmayapti.

76* Ilhomjon Alijon o‘rniga Doston Ibragimov maydonga tushdi.

79* O‘yinda ustunlik to‘laligicha terma jamoamiz tomonida. Avstraliya esa vaqt cho‘zishga o‘tdi. Muydonga yotib olmoqda futbolchilar. Ular ham arablardan o‘rganmoqda.

83* Ketma-ket hujumlar avstraliyaliklarni dovdiratib qo‘ydi. Ammo hozircha hujumlarimizdan naf chiqmayapti.

88* Jasur Yaxshiboev o‘ng qanotdagi jarima zarbasidan to‘g‘ri darvozaga to‘pni tepdi. Ancha noaniq.

90* O‘yinga 5 daqiqa qo‘shib berildi.

90+5* O‘yin yakunlandi. Birgina gol Avstraliyaga g‘alaba taqdim etdi va Olimpiada yo‘llanmasini qo‘lga kiritdi. O‘zbekiston OTJ esa 4-o‘rin bilan kifoyalandi.