AGMKning ikki futbolchisi O‘zbekiston milliy jamoasiga chaqirildi

O‘zbekiston milliy jamoasi "JCh-2022" va "OK-2023" saralash bosqichi o‘yinlariga tayyorgarlik doirasida 8-18 fevral kunlari BAAning Dubay shahrida o‘tkazadigan yig‘iniga AGMK futbolchilari jalb etildi.

Olmaliqliklar darvozaboni Botirali Ergashev va hujumkor vinger Husniddin G‘ofurov terma jamoaning 6 fevralda Toshkentda boshlanadigan va 8-18 fevral kunlari BAAda davom etadigan yig‘iniga taklif oldi.

Eslatib o‘tamiz, O‘zbekiston terma jamoasi bo‘lajak yig‘in doirasida Iordaniya va Rossiya chempioni "Zenit"ga qarshi nazorat uchrashuvlari o‘tkazadi.