Aleksandr Xomyakov "Buxoro"ni boshqarishi kutilmoqda

Ushbu mavsumni o‘z imkoniyatidan past darajada o‘tkazayotgan va haligacha g‘alaba nimaligini bilmay kelayotgan “Buxoro” klubida bosh murabbiy o‘zgarishi ehtimoldan holi emas.

Shundoq ham oxirgi paytlarda jamoani boshqarib kelayotgan Muhsin Muhammadievning “Buxoro”dan ketishi mumkinligi borasida gap-so‘zlar tarqalgandi.

Ma’lumotlarga qaraganda, salbiy natijalar tufayli klub rahbarlari Muhammadiev bilan o‘rtadagi shartnomani bekor qilish yuzasidan muzokaralar olib bormoqda. Uning o‘rnini esa Aleksandr Xomyakov egallashi kutilmoqda. Shunday ekan, voqealar rivojini kuzatishda davom etamiz.