Andrey Kanchelskis: Shunday o‘ynashda davom etsak, yuqori o‘rinlar uchun kurashamiz

Superliga 2-turidan o‘rin olgan “Navbahor” – “Lokomotiv” (1:0) uchrashuvidan so‘ng mezbonlar ustozi Andrey Kanchelskis matbuot anjumanida ishtirok etdi.

“Barcha namanganlik muxlislarni va futbolchilarimni g‘alaba bilan tabriklayman. O‘ylashimcha bugun biz kuchli o‘yin namoyish qildik va g‘alabaga haqli edik. Maqsadimiz – har bir o‘yinda g‘alaba uchun maydonga tushish. Agar shunday o‘ynashda davom etsak, o‘ylaymanki, yuqori o‘rinlar uchun kurashamiz. “Lokomotiv” kuchli va hurmatga loyiq jamoa, ammo biz bugun ulardan yaxshiroq harakat qildik”, - deya Kanchelskisning so‘zlarini keltirib o‘tdi PFL rasmiy sayti.