APL teletranslyatsiyalardan qancha daromad ko‘radi?

Angliya Premer-ligasi to‘rtta milliy telekanal bilan shartnomani uzaytirganini e’lon qildi.

Gap Sky Sports, BT Sport, Amazon Prime Video va BBC Sport haqida ketmoqda. Tomonlar o‘rtasidagi avvalgi kelishuv 2022 yilga qadar imzolangan edi. Yangi kelishuv esa 2025 yilga qadar tuzildi.

Shartnomaga ko‘ra, APL chempionat o‘yinlarining teletranslyatsiyalaridan 5,93 milliard evro daromad oladi. Bu haqda Sky News xabar tarqatmoqda.

Premer-liganing joriy mavsumi yakunlanishiga yana 2 ta tur qoldi. Ammo “Manchester Siti” chempionlik masalasini o‘tgan turdayoq hal qilib bo‘lgan.