Arbeloa: "Rodrigo jamoa uchun hal qiluvchi figuraga aylanishi mumkin"

"Real Madrid" bosh murabbiyi Alvaro Arbeloa jamoa hujumchisi Rodrigo haqida fikr bildirdi.

"Rodrigo jamoa uchun juda muhim futbolchi bo‘lishi kerak. Jarohatlardan oldin ham u shunday edi. U hal qiluvchi va kalit figuraga aylanishi mumkin. Rodrigo ko‘p yillar davomida “Real” safida o‘z sifatini isbotlab kelmoqda.

U hujumning uchala pozitsiyasida ham o‘ynay oladi. Uning texnikasi, maydonni ko‘ra bilishi, hujumga qo‘shilishi, yakunlash mahorati va birga-bir vaziyatlardagi o‘yini yuqori darajada. U juda universal futbolchi va unga qarshi himoyalanish oson emas. Rodrigo bizga ko‘p variantlar beradi va men uning qaytishini juda istayman. U asta-sekin o‘yin daqiqalarini ko‘paytirib, yanada muhim figuraga aylanishiga umid qilaman", — dedi Arbeloa jurnalistlarga.

2 mart, dushanba kuni "Real" La Liga doirasida "Xetafe"ni qabul qiladi.