"Arsenal" "Liverpul"ga qarshi bellashuvdan avval ikki etakchisini yo‘qotdi

APLning 2-turida "Lids"ga qarshi o‘yinda "Arsenal"ning ikki muhim futbolchisi jarohat oldi.

27-daqiqada sardor Martin Edegor elkasidan jarohat oldi. U o‘yinni davom ettirgan bo‘lsa-da, 38-daqiqada maydonni tark etib, o‘rnini Itan Nvaneriga bo‘shatdi. Edegor o‘tgan mavsumda Premer-ligada 30 ta o‘yin o‘tkazib, 8 ta golli uzatma bergan edi.

51-daqiqada esa yana bir etakchi — Bukayo Saka oyoqning orqa qismida og‘riq sezib, maydonni tark etdi. Uning o‘rniga Leandro Trossard tushirildi.

Ma’lumot o‘rnida, keyingi turda "kanonirlar" amaldagi chempion "Liverpul"ga qarshi bahs olib boradi.